岩岩開始想打返呢幾個月以黎食過既好野 一個好既開始 當然係好既餐廳啦
我就揀左我好鍾意既茶園 因為食物質數唔差 環境又舒服!
當日我同朋友2個人去 可能係平日唔需要等位 而且又有梳化位坐落地玻璃 見到咁既環境已經令人興奮
坐落左之後 侍應就比左個餐牌我地 當然唔洗諗一定係要tea set for2!!反而係要揀茶 我就揀左士多啤梨乳酪茶 ,檸檬草..短短幾分鐘 茶已經係面前 好精緻既茶具 用左銀色既茶壺 顯得特別高貴
士多啤梨乳酪茶 既味道甜甜酸酸 好開口 而檸檬草就比較清新
[推介] 主角終於到了 一共五層架 傳統既食法都係由下而上 咸到甜既 一來到就已經令我地嘩嘩聲
咸點有三文魚圈,牛肉漢堡,芝士小餅,洋蔥蛋批,小脆片,��肝杯
甜點有scone,士多啤利撻,吉士泡芙,朱古力小蛋糕
先講咸點 我最鍾意就係芝士小餅 佢既芝士味好香但唔會好似平時太大的奶味 咬落口比較軟食有口感
另外牛肉漢堡都好出色 細細個但相當有肉汁 加上茄汁同酸瓜非常美味
而三文魚圈我就比較欣賞個口感 食落去軟軟的 配上生菜剛好帶起三文魚的鮮味
洋蔥蛋批,小脆片 就不太特別!! 講到特別 絕對係鵝肝杯 起初同朋友都以為係甜點 但到食落口先知係咸的
甜點既我就最鍾意scone同吉士泡芙...吉士泡芙佢入面既吉士不太甜加上外層既鬆脆 真係一絕
scone 不會太實或太鬆散 配上士多啤利醬 大讚!!!
士多啤利撻都相當好味 而朱古力小蛋糕就比較甜 可能佢中間的夾心是花生醬個人就不太喜歡
[推介] 到左全個afternoon tea 最特別既地方就係雪糕甜品吧 起初我以為只有雪糕 但到了現場
才發現當中的蛋糕也是雪糕 ,而檯中間更有即制的窩芙,泡芙山 同甜品配料
當然黎到一定要試雪糕啦 我地分別拎左開心果(好味 好濃郁既清甜味),紅莓(偏酸一點),無花果(這個味道不太濃..)焦糖雲呢拿同碎朱古力(呢兩隻係最好味 甜度適中)
另一重頭就是窩芙 暖暖脆脆的也可以配自己喜歡的口味 不得不試!
而雪糕蛋糕的口味就偏甜
總括黎講茶園既afternoon tea 真係唔錯 三五知己一齊聚下 不失為一個好地方
有機會我一定會再去過!
留言列表
